नुवाकोटमा सक्रिय कोरोना संक्रमितको संख्या ३८ पुग्यो

नुवाकोट । नुवाकोटमा सक्रिय कोरोना संक्रमितको संख्या ३८ पुगेको छ ।

स्वास्थ्य कार्यालय नुवाकोटका अनुसार पछिल्लो २४ घण्टामा जिल्लामा ११ जना कोरोना संक्रमित कोरोनामुक्त्त भएर घर फर्किएसँगै जिल्लामा सक्रिय कोरोना संक्रमितको संख्या घटेर ३८ जनामा झरेको हो ।

जिल्लामा रहेका सक्रिय कोरोना संक्रमितमध्ये ३६ जना होम आइसोलेसनमा तथा अस्पतालमा र आइसोलेसन सेन्टरमा समान एक÷एक जना उपचार गरिरहेको कार्यालयका सुचना अधिकारी उत्तम खनालले जानकारी दिए ।

नुवाकोटमा हालसम्म कोरोना संक्रमणबाट ५१ जनाको मृत्यु भएको छ । हालसम्म जिल्लामा २८ हजार ३ सय ९६ जनाको पिसिआर परिक्षण गरिएको स्वास्थ्य कार्यालय नुवाकोटले जनाएको छ ।