नुवाकोटमा अबको निर्वाचनमा कम्युनिष्टको पत्तासाफ गछौ : महत

नुवाकोट । नेपाली कांग्रेसका युवा नेता रमेश महतले अबको चुनावमा नुवाकोटमा कम्युनिष्ट पार्टीको पत्तासाफ हुने बताएका छन् ।

सोमवार नुवाकोटको विदुर ५ मा आयोजित पिपलटारमा सांसद वहादुरसिंह लामाको सचिवालयले आयोजना गरेको चियापान तथा तिहार छठ र नेपाल सम्बतको शुभकामना कार्यक्रममा बोल्दै नेता महतले आगामी निर्वाचनमा नुवाकोटको सबै स्थानमा कांग्रेसको चार तारे झण्डा फहराउने बताए ।

उनले आउँदो निर्वाचन नुवाकोटमा एमालेको पत्ता साफ गर्ने बताएका हुन । युवा नेता महतले आगामी निर्वाचनमा कम्युनिष्ट पार्टीलाई पत्तासाफ गर्ने सबै मिलेर अघि बढ्नुपर्ने बताए ।

“कम्युनिष्टलाई पत्ता साफ गर्नू अहिलेको आवश्यकता हो । अबको निर्वाचनमा कांग्रेसले कम्युनिष्टलाई पत्ता साफ गरिछोड्छ,” उनले भने ।