नुवाकोट कांग्रेस केसी समुहको विर्ता होइन : श्रेष्ठ

नुवाकोट । नेपाली कांग्रेसका क्षेत्रिय सभापति तथा लिखु गाउँपालिकाका अध्यक्ष धुव्र श्रेष्ठले नेपाली कांग्रेस नुवाकोट केसी समुहको विर्ता नभएको बताएका छन् ।

सोमवार नेपाली कांग्रेसका केन्द्रिय सदस्य तथा सांसद बहादुरसिंह लामाको सचिवालयले आयोजना गरेको दशै,तिहारm छठ तथा नेपाल संम्वतको शुभकामना कार्यक्रममा बोल्दै उनले नेपाली कांग्रेस नुवाकोट केसी समुहको मात्रै नभएको बताएका हुन् ।

उनले नुवाकोट कांग्रेसमा आफ्नो समहुको पनि ठुलो योगदान रहेको भन्दै आफुनो समुहलाई केसी समुहले हरेक कुरामा पेलेर जाने गरेकोले अब त्यस्तो नचल्ने बताए । उनले पार्टीमा आन्तरिक कलह हुँदा अन्य दलले चुनावमा बाजी मार्ने गरेकोले अब कांग्रेसलाई त्यो छुट नहुने बताए ।

उनले आफुहरुलाई केसी समुहले ठेकेदार मात्र भन्ने गरेको भन्दै उनले ठेकेदार भएरै आफुहरुले आफ्नो क्षेत्रको ५ पालिकामा पार्टीलाई विजयी गराएको बताए ।