नुवाकोटमा कोरोनाका सक्रिय संक्रमितको संख्या ७१ पुग्यो

नुवाकोट । नुवाकोटमा कोरोनाका सक्रिय संक्रमितको संख्या ७१ पुगेको छ ।

स्वास्थ्य कार्यालय नुवाकोटका अनुसार पछिल्लो २४ घण्टामा जिल्लामा ३ जना कोरोनामुक्त भएर घर फर्किएसँगै जिल्लामा सक्रिय कोरोना संक्रमितको संख्या ७१ पुगेको कार्यालयका सुचना अधिकारी उत्तमराज खनालले जानकारी दिए ।

खनालका अनुसार पछिल्लो २४ घण्टामा ११ जनाको एन्टीजेन परिक्षण गर्दा सबै नेगेटिभ भेटिएको छ । जिल्लामा हालसम्म ८ हजार २ सय ७९ जना कोरोना संक्रमित रहेका छन् ।

यस्र्तै जिल्लामा कोरोनामुक्त हुनेको संख्या ८ हजार एकसय ५८ पुगेको छ । नुवाकोटमा कोरोना संक्रमणबाट अहिलेसम्म ५० जनाको मृत्यु भएको स्वास्थ्य कार्यालय नुवाकोटले जनाएको छ ।

नुवाकोटमा हालसम्म २८ हजार २ सय ४ जनाको पिसिआर परिक्षण गरेको स्वास्थ्य कार्यालय नुवाकोटले जनाएको छ ।