नुवाकोटमा कोरोना संक्रमित भेटिन छाडे

नुवाकोट । नुवाकोटमा सक्रिय कोरोना संक्रमितको संख्या २० जनामा झरेको छ ।

स्वास्थ्य कार्यालय नुवाकोटका अनुसार पछिल्लो २४ घण्टामा जिल्लामा ५ जना कोरोनामुक्त भएर घर फर्किएका छन् ।

यससँगै जिल्लामा कोरोनामुक्त भएर घर फर्कनेको संख्या ८ हजार एकसय ५१ पुगेको कार्यालयका सुचना अधिकारी उत्तमराज खनालले बताए । यस्तै जिल्लामा हालसम्म ८ हजार २ सय २८ जना कोरोना संक्रमित भेटिएका छन् ।

जिल्लामा रहेका कुल सक्रिय संक्रमितमध्ये १९ जना होम आइसोलेसनमा र एक जना अस्पतालमा उपचाररत रहेका छन् ।

नुवाकोटमा कोरोना संक्रमणबाट हालसम्म ५० जना कोरोना संक्रमितको मृत्यु भएको कार्यालयका सुचना अधिकारी खनालले बताए ।

जिल्लामा हालसम्म २८ हजार एकसय २९ जनाको पिसिआर परिक्षण गरिएको स्वास्थ्य कार्यालय नुवाकोटले जनाएको छ ।