नुवाकोटको किस्पाङमा बस दुर्घटना क्षतिको विवरण आउँन बाँकी

नुवाकोट । नुवाकोटको किस्पाङ गाउपालिका वडा ५ मनकामनाको मानेगाउँमा बस दुर्घटना भएको छ ।

भाल्चेबाट त्रिशुली हुँदै काठमाण्डौ जान लागेको वस दुर्घटना भएको जिल्ला प्रहरी कार्यालय नुवाकोटले जनाएको छ । दुर्घटनामा २० जनाभन्दा बढी व्यक्ति घाइते भएको जिल्ला प्रहरी कार्यालय नुवाकोटले जनाएको छ ।

घाइतेलाई प्रहरीले एम्बुलेन्स मार्फत त्रिशुली अस्पताल ल्याइरहेको छ । घाइतेको संख्या अझै बढ्न सक्ने प्रहरीले जनाएको छ ।

वसमा क्षमताभन्दा बढी यात्रु रहेकोले दुर्घटना भएको प्रारम्भीक अनुसन्धानबाट खुलेको प्रहरीले जनाएको छ ।

दुर्घटनाको थप विवरण आउँन बाँकी रहेको प्रहरीले जनाएको छ ।