नुवाकोटमा महत र केसीपक्षबीच टक्कर, को कहाँ विजयी

नुवाकोट । नेपाली काँग्रेसको १४ औं महाधिवेशन अन्तर्गत नुवाकोटको सबै पालिकाहरुमा गाउँ तथा नगर अधिवेशन सम्पन्न भएको छ ।

शनिबार भएको अधिवेशनले नुवाकोटको २ नगरपालिका र १० वटा गाउँपालिकामा नयाँ नेतृत्व चयन गरेको हो । काँग्रेसले ४ वटा स्थानीय तहहरुमा सर्वसम्मत रुपमा नेतृत्व चयन गरेको छ भने ८ वटा स्थानीय तहहरुमा निर्वाचन प्रक्रियाबाट नेतृत्व चयन गरेको हो।

जिल्लाको सूर्यगढी गाउँपालिका, दुप्चेश्वर गाउँपालिका, किस्पाङ गाउँपालिका र लिखु गाउँपालिकामा सर्वसम्मत रुपमा नेतृत्व चयन गरेको हो ।

नुवाकोटको ६ वटा स्थानीय तहमा नेपाली काँग्रेसका बरिष्ठ नेता रामचन्द्र पौडेल पक्षका नेता अर्जुन नरसिंह केसी पक्षले विजयी हासिल गरेको छ भने अन्य ६ स्थानीय तहमा सभापति शेरबहादुर देउवा पक्षले कब्जा जमाएको छ ।

नुवाकोटमा सधैँ नेतृत्व हत्याउन महत र केसी पक्षको चर्काे प्रतिष्पर्धा चल्ने गरेको छ । यसपटक पनि सो दृश्य जिल्लामा रोचक रुमा देखा परेको छ ।

दुबै नेता जिल्लाको स्थानिय तहको सभापतिमा आफ्नो पक्षको नेतृत्व स्थापित गर्न लागिपरेका थिए ।

शिवपुरी गाउँपालिकाको सभापतीमा गुरुङ विजयी

नेपाली कांग्रेस शिवपुरी गाउँपालिकाको सभापतीमा कविराज गुरुङ विजयी भएका छन् । नेपाली कांग्रेसको १४ औं महाधिवेशन अन्तर्गत भएको पालिका अधिवेशनमा उनले ८८ मत प्राप्त गरे ।

उनका प्रतिष्पर्धी माधव प्रसाद भेटुवालले ६५ मत पाए ।  त्यसैगरी उपसभापतीमा रविन डंगोल र तिलक बहादुर पण्डित विजयी भए । डंगोलले १०० र पण्डितले ६९ मत प्राप्त गरे । उपसभापतीमा प्रल्हाद थापा र ज्ञान बहादुर थापा पराजित भए ।  सचिवमा राजकुमार खड्का र शेर बहादुर तामाङ विजयी भए । खड्काले ७७ र तामाङले ७१ मत पाए । सचिवमा अजय पाठक र अभियान आचार्य पराजित भए । 

विदुर नगरसभापतिमा श्रेष्ठ विजयी

नेपाली कांग्रेसको विदुर नगरपालिकाको सभापतिमा हरिलाल श्रेष्ठ विजयी भएका छन् ।

मतगणनामा निकटम प्रतिद्धन्दी बद्री रिमाललाई एक मतले पराजित गर्दै श्रेष्ठले जित हात पारेका हुन् ।

सभापतिमा विजयी भएका श्रेष्ठले एकसय ३६ मत पाउँदा रिमालले एकसय ३५ मत प्राप्त गरेका थिए ।उपसभापतिमा सुमन अधिकारी र भिमसेन अर्याल विजयी भएका छन् । अधिकारीले एकसय ५६ मत पाउँदा अर्यालले एकसय ३१ मत प्राप्त गरेका थिए ।

त्यस्तै सचिवमा अच्युत गिरी र सुजन गजुरेल विजयी भएका छन् । गिरीले एकसय ३५ मत पाउँदा गजुरेलले एकसय ३२ मत प्राप्त गरेका थिए । यस्तै सहसचिवमा रविन्द्र रिजाल र लोकस रिमालले जित हात पारेका छन् । उनीहरु दुबैले समान एकसय ३६ मत प्राप्त गरेका छन् ।

ककनी गाउँपालिकाको सभापतिमा भाग्यश्री निर्वाचित

नेपाली कांग्रेस ककनी गाउँपालिकाको सभापतिमा भाग्यश्री लामा विजयी भएका छन ।

लामाले आफना निकटतम प्रतिद्धन्दी अशोक लामालाई पराजित गरि विजयी भएका हुन् । भाग्यश्रीले ८० मत प्राप्त गरेका थिए भने अशोकले ५७ पाएका छन् । विजयी भएका लामा केसी समुहका हुन् । सभापतिमा विजयी भएपछि उनले सम्पुर्ण पालिकाका नेता तथा कार्यकर्ताको भावना अनुसार काम गरेर अघि बढ्ने बताए ।

सुर्यगढी गाउँपालिकाको कांग्रेस सभापतिमा प्याकुरेल निर्विरोध

नेपाली कांग्रेसको १४ औ महाधिवेशन अन्र्तगत नुवाकोटमा आज भएको गाउँ र नगर अधिवेशनको नतिजा आउने क्रम जारी छ ।यसैक्रममा सुर्यगढी गाउँपालिकाको सभापतिमा युवा नेता शंकर प्याकुरेल निर्विरोध निर्वाचित भएका छन् ।

पन्चकन्या गाउँपालिकाको सभापतिमा खनाल विजयी

पन्चकन्या गाउँपालिकाको सभापतिमा माधब खनाल विजयी भएका छन । अधिवेशनमा खनालले निकटम प्रतिद्धन्द्धी यमबहादुर थापालाई पराजित गर्दै विजयी भएका हुन् । विजयी भएका खनालले ८१ म प्राप्त गर्दा उनका निकटम प्रतिद्धन्दी यम थापाले ६९ मत प्राप्त गरेका छन् ।

लिखु गाउँपालिकाको सभापतिमा पाठक

लिखु गाउँपालिकाको सभापतिमा विनोद पाठक निर्विरोध निर्वाचित भएका छन् । शनिवार भएको अधिवेशनमा अन्य कुनैपनि उम्मेदवारले सभापतिमा मनोनयन दताए नगरेपछि पाठक सभापतिमा निर्विरोध निर्वाचित भएका हुन् ।

कांग्रेसको प्रखर वत्ताको रुपमा गाउँपालिकामा पहिचान बनाएका पाठकलाई गाउँपालिकाका अध्यक्ष धुव्र श्रेष्ठको पहलमा सर्वसहमत रुपमा सभापतिमा निर्विरोध निर्वाचित भएका हुन् ।