नुवाकोट युनाइटेड फुटवल क्लबवलाई विदुर नगरपालिकाको सहयोग

नुवाकोट । काठमाण्डौमा जारी सहिद स्मारक सि डिभिजन लिग छनौटमा सहभागी हुन लागेको नुवाकोट युनाइटेड फुटवल क्लबवलाई विदुर नगरपालिकाले आर्थिक सहयोग गरेको छ ।

बिहिबार बट्टरमा आयोजित एक कार्यक्रममा नगरपालिकाका मेयर सञ्जु पण्डितले प्रतियोगितामा सहभागी हुने क्लबलाई एक लाख २५ हजार रुपैया आर्थिक सहयोगसँगै खेलाडीहरुलाई विदाई गरेका हुन् ।

विदाई कार्यक्रममा बोल्दै मेयर पण्डितले प्रतियोगिमा नुवाकोट युनाइटेड क्लबले उत्कृष्ट प्रर्दशन गरेर सी डिभिजन लिगमा छनौट हुने विश्वास व्यत्त गरे ।

नुवाकोट युनाइटेड फुटबल क्लबले प्रतियोगिताको पहिलो खेल असोज ९ गते गोकर्णश्वर फुटबल क्लबसँग खेल्नेछ भने दोस्रो खेलमा अमरसिंह क्लबवीच असोज १३ गते प्रतिष्पर्धा गर्नेछ ।