नुवाकोट युनाइटेड फुटवल क्लबको विदाई

नुवाकोट । काठमाण्डौमा जारी सी डिभिजन छनौट खेल्न जाने नुवाकोटकाे नुवाकोट युनाइटेड फुटवल क्लबलाई विदाई गरिएको छ ।

बिहीवार एक कार्यक्रमको आयोजना गरि प्रतियोगितामा सहभागी हुने फुटवल टोलीको विदाई गरिएको छ । कार्यक्रममा विदुर नगरपालिकाका मेयर सञ्जु पण्डित, वडा नम्बर ५ का वडाध्यक्ष शिवकुमार चित्रकार, वडा नम्बर ६ का वडाध्यक्ष राजु सडौला र एन्फा नुवाकोटका पदाधिकारीहरुले टोलिको विदाइ गरेका हुन् ।

विदाई कार्यक्रममा बोल्दै विदुर नगरपालिकाका मेयर सञ्जु पण्डितले जिल्लाको शिर उँचो पार्दै नुवाकोट युनाइटेड फुटवल क्लवले शानदार प्रर्दशन गर्ने विश्वास व्यक्त गरे । उनले नगरपालिकाले खेलकुदमा शुरुवात देखि नै लगानी गरेको भन्दै उत्कृष्ट नजिता हात पारेमा क्लबलाई कुर्नैपनि सहयोग गर्न आफु तयार रहेको बताए ।

सी डिभीजन छनौट प्रतियोगितातर्फ समूह भी मा परेको नुवाकोट युनाइटेड फुटवल क्लबले काठमाण्डौका दुई क्लबसँग प्रतिष्पर्धा गर्ने छ ।

पहिलो खेल आगामी असोज ९ गते नुवाकोट युनाइटेड फुटबल क्लबविरुद्ध गोकर्णश्वर फुटबल क्लबवीच हुनेछ भने दोस्रो खेल नुवाकोट युनाइटेडविरुद्ध अमरसिह क्लबवीच १३ गते प्रतिष्पर्धा हुनेछ ।

दुबै खेल दिनको १२ः३० बजे एन्फा कम्लेक्स सातदोबाटोमा हुने आयोजक अखिल नेपाल फुटवल संघले जनाएको छ ।