नुवाकाेटमा छाेरी बलात्कार गर्ने पितालाई २९ वर्ष कैद

नुवाकाेट । जिल्ला अदालत नुवाकोटले आफ्नै छोरी बलात्कार गरेको अभियोग लागेका आरोपितको कसुरमा दोषी ठकर गर्दै २९ वर्षभन्दा बढी कैद सजायको फैसला गरेको छ।

४ वर्षिया छोरीलाई बलात्कार गरेको कसुरमा ३६ वर्षिय बाबुलाई जिल्ला अदालत नुवाकाेटले २९ वर्ष ६ महिना कैद सजाय सुनाएको हाे ।
जिल्ला न्यायधिश उमेशप्रसाद लुइटेलको इजलासले विहीबार आरोपितले गरेको कसुरमा दोषी ठहर गर्दै उक्त सजायको फैसला गरेको जिल्ला अदालतले जनाएको छ। ।

अदालतले बलात्कारमा २५ वर्ष सजाय र हाडनाता करणीमा चार वर्ष ६ महिना कैद सजाय गरेको हो । अदालतले कसुरदारबाट ५० हजार रुपैयाँ जरिवाना तिराउन पनि आदेश दिएको छ।

२०७७ असार ६ गते छोरीलाई बलात्कार गरेको भन्दै बालिकाको आमाले श्रीमान् विरुद्द असार ७ गते जिल्ला प्रहरी कार्यालयमा उजुरी दिएकी थिइन् । सूर्यगढी गाउँपालिकामा घर भएका उनीहरु लिखु गाउँपालिकामा डेरामा बस्दै आएका थिए।

घटना लिखु गाउँपािलकामा भएकाे थियाे । अराेपितलाई नुवाकाेट प्रहरीले असार ७ गते पक्राउ गरेकाे थियाे । उनलाइर् जिल्ला अदालत नुवाकाेटले २०७७ साउन १ गते पुर्वपक्षकाे लागि थुनामा पठाएकाे खबर त्रिशुली खवर साप्ताहिकमा छापिएकाे छ ।