नुवाकोटमा पछिल्लो २४ घण्टामा १८ जना कोरोना संक्रमित थपिए

नुवाकोट । नुवाकोटमा पछिल्लो २४ घण्टामा १८ जना कोरोना संक्रमित थपिएका छन् ।

स्वास्थ्य कार्यालय नुवाकोटका अनुसार पछिल्लो २४ घण्टामा जिल्लामा ४८ जनाको पिसिआर र ६ जनाको एन्टीजेन परिक्षण गर्दा १८ जनामा कोरोना संक्रमण पुष्टि भएको हो ।

यससँगै जिल्लामा कोरोना संक्रमितको संख्या ८ हजार ३१ पुगेको छ । यस्तै पछिल्लो २४ घण्टामा जिल्लामा ९ जना कोरोना संक्रमित कोरोनामुत्त भएका छन् । यससँगै जिल्लामा कोरोनामुत्त भएर घर फर्कनेको संख्या ७ हजार ८ सय ४४ पुगेको कार्यालयका सुचना अधिकारी उत्तमराज खनालले बताए ।

यस्तै जिल्लामा सक्रिय कोरोना संक्रमितको संख्या एकसय ४० पुगेको छ । सक्रिय कोरोना संक्रमितमध्ये एकसय ३२ जना होम आइसोलेसनमा, ५ जना अस्पतालमा र ३ जना आइसोलेसन सेन्टरमा उपचाररत रहेका छन् ।

हालसम्म जिल्लामा ४६ जना कोरोना संक्रमितको मृत्यु भइसकेको स्वास्थ्य कार्यालय नुवाकोटले जनाएकको छ ।

जिल्लामा हालसम्म २७ हजार ६४ जनाको पिसिआर परिक्षण गरिएको स्वास्थ्य कार्यालय नुवाकोटले जनाएको छ ।