नुवाकोटमा आज १२ जना कोरोनामुत्त

नुवाकोट । नुवाकोटमा आज १२ जना कोरोनामुत्त भएका छन् ।

स्वास्थ्य कार्यालय नुवाकोटका अनुसार पछिल्लो २४ घण्टामा जिल्लामा १२ जना कोरोनामुत्त भएसँगै जिल्लामा कोरोनामुत्त हुनेको संख्या ७ हजार ८ सय ३५ पुगेको छ ।

यससँगै जिल्लामा कोरोनाका सक्रिय संक्रमितको संख्या एकसय ३२ मा झरेको कार्यालयका सुचना अधिकारी उत्तमराज खनालले जानकारी दिए ।

यस्तै पछिल्लो २४ घण्टामा जिल्लामा २ जना कोरोना संक्रमित थपिएका छन् । पछिल्लो २४ घण्टामा जिल्लामा ६ जनाको एन्टीजेन परिक्षण गर्दा २ जनामा कोरोना संक्रमण पुष्टि भएको हो ।

यससँगै जिल्लामा कोरोना संक्रमितको संख्या ८ हजार १३ पुगेको छ । पछिल्लो २४ घण्टामा भेटिएका संक्रमितमध्ये दुबै जना लिखु गाउँपालिकाका रहेका छन् ।

जिल्लामा हालसम्म ४६ जना कोरोना संक्रमितको मृत्यु भएको स्वास्थ्य कार्यालय नुवाकोटले जनाएको छ ।

हालसम्म जिल्लामा २७ हजार ११ जनाको पिसिआर परिक्षण गरिएको स्वास्थ्य कार्यालय नुवाकोटले जनाएको छ ।

हाल दैनिक जिल्लामा कोरोना संक्रमितको संख्या घट्दै गएको छ ।