नुवाकोटमा सक्रिय कोरोना संक्रमितको संख्या एकसय ८५ पुग्यो

नुवाकोट । नुवाकोटमा कोरोना संक्रमितको संख्या घट्दै गएको छ ।

पछिल्लो दुईसातादेखि जिल्लामा कोरोना संक्रमित भेटिन छाडेपछि जिल्लामा सक्रिय कोरोना संक्रमित घट्न थालेको स्वास्थ्य कार्यालय नुवाकोटले जानकारी दिएको छ ।

कार्यालयका सुचना अधिकारी उत्तमराज खनालका अनुसार पछिल्लो २४ घण्टामा जिल्लामा १२ जना कोरोना संक्रमित कोरोनामुत्त भएसँगै जिल्लामा कोरोना सक्रिय संक्रमितको संख्या एकसय ८५ पुगेको हो ।

यस्तै जिल्लामा कोरोनामुत्त भएर घर फर्कनेको संख्या ७ हजार ७ सय २७ पुगेको छ । यस्तै जिल्लामा कोरोना संक्रमितको ७ हजार ९ सय ५७ पुगेको छ ।

हालसम्म जिल्लामा ४५ जना कोरोना संक्रमितको मृत्यु भइसकेको छ ।

नुवाकोटमा हालसम्म २६ हजार ७ सय ३५ जनाको पिसिआर परिक्षण गरिएको छ ।