पछिल्लो २४ घण्टामा नुवाकोटमा १३ जना कोरोना संक्रमित थपिए

नुवाकोट । नुवाकोटमा पछिल्लो २४ घण्टामा १३ जना कोरोना संक्रमित थपिएका छन् ।

स्वास्थ्य कार्यालय नुवाकोटका अनुसार पछिल्लो २४ घण्टामा ५३ जनाको पिसिआर र १४ जनाको एन्टीजेन परिक्षण गर्दा १३ जना कोरोना संक्रमित थपिएका छन् ।

यससँगै नुवाकोटमा कोरोना संक्रमितको संख्या ७ हजार ९ सय ३० पुगेको छ । पछिल्लो २४ घण्टामा भेटिएका कोरोना संक्रमितमध्ये ९ पुरुष र ४ महिला रहेका छन् ।

भेटिएका संक्रमितमध्ये विदुर नगरपालिकाका ५ जना रहेका छन् भने शिवपुरी गाउँपालिकाका ४ जना रहेका छन् । यस्तै बेलकोटगढी नगरपालिका, लिखु गाउँपालिका, तादी गाउँपालिका र म्यागड गाउँपालिकामा एक एक जनामा कोरोना संक्रमण पुष्टि भएको छ ।

यस्तै पछिल्लो २४ घण्टामा जिल्लामा ३० जना कोरोना संक्रमित कोरोनामुत्त भएका छन् । यससँगै जिल्लामा कोरोनामुत्त हुनेको संख्या ७ हजार ६ सय ३३ पुगेको छ ।

यससँगै जिल्लाम सक्रिय कोरोना संक्रमितको संख्या २ सय ५२ पुगेको छ । सक्रिय संक्रमितमध्ये २ सय २३ जना होम आइसोलेसनमा, १७ जना अस्पतालमा र १२ जना आइसोलेसन सेन्टरमा उपचाररत रहेका छन् ।

यस्तै नुवाकोटमा कोरोना संक्रमणबाट हालसम्म ४५ जनाको मृत्यु भएको छ । जिल्लामा हालसम्म २६ हजार ५ सय ५३ जनाको पिसिआर परिक्षण गरिएको छ ।