नुवाकोटमा पछिल्लो २४ घण्टामा ५० जना कोरोनामुत्त

नुवाकोट । नुवाकोटमा पछिल्लो २४ घण्टामा ५० जना कोरोनामुत्त भएर घर फर्किएका छन् ।

स्वास्थ्य कार्यालय नुवाकोटका अनुसार पछिल्लो २४ घण्टामा जिल्लामा ५० जना कोरोनामुत्त भएर घर फर्किएका छन् । कार्यालयका सुचना अधिकारी उत्तमराज खनालका अनुसार यससँगै जिल्लामा कोरोनामुत्त हुनेको संख्या ७ हजार ३ सय ३९ पुगेको छ ।

यस्तै पछिल्लो २४ घण्टामा जिल्लामा ३० जना कोरोना संक्रमित थपिएका छन् । थपिएका कोरोना संक्रमितमध्ये विदुर नगरपालिकाका २० जना रहेका छन् ।

त्यस्तै तादी गाउँपालिकामा ३ जना संक्रमित थपिँदा लिखु गाउँपालिका र म्यागङ गाउँपालिकामा समान २÷२ जनामा कोरोना संक्रमण पुष्टि भएको छ । यस्तै बेलकोटगढी नगरपालिका, ककनी गाउँपालिका र तारकेश्वर गाउँपालिकामा समान एक÷एक जना कोरोना संक्रमित थपिएका छन् ।

यससँगै जिल्लामा कोरोना संक्रमितको संख्या ७ हजार ७ सय ८४ पुगेको कार्यालयको भनाइ रहेको छ ।

यस्तै जिल्लामा सक्रिय कोरोना संक्रमितको संख्या ४ सय १ पुगेको छ । सक्रिय कोरोना संक्रमितमध्ये ३ सय ६५ जना होम आइसोलेसनमा, २६ जना अस्पतालमा र १६ जना होम आइसोलेसनमा उपचार गरिरहेका छन् ।

नुवाकोटमा हालसम्म कोरोना संक्रमणबाट ४४ जनाको ज्यान गइसकेको छ । जिल्लामा हालसम्म २६ हजार ४४ जनाको पिसिआर परिक्षण गरिएको छ ।