नुवाकोटमा आज ४२ जना कोरोनामुत्त, २ संक्रमित थपिए

नुवाकोट । नुवाकोटमा आज ४२ जना कोरोनामुत्त भएर घर फर्किएका छन् ।

स्वास्थ्य कार्यालय नुवाकोटका अनुसार पछिल्लो २४ घण्टामा जिल्लामा ४२ जना कोरोनामुत्त भएर घर फर्किएका छन् ।

कार्यालयका सुचना अधिकारी उत्तमराज खनालका अनुसार यससँगै जिल्लामा कोरोनामुत्त भएर घर फर्कनेको संख्या ७ हजार २ सय २३ पुगेको छ ।

यस्तै पछिल्लो २४ घण्टामा २ जना कोरोना संक्रमित थपिएका छन । पछिल्लो २४ घण्टामा ८ जनाको एन्टीजेन परिक्षण गर्दा २ जनामा कोरोना संक्रमण पुष्टि भएको कार्यालयका सुचना अधिकारी उत्तमराज खनालले बताए ।

यससँगै जिल्लामा ७ हजार ७ सय १२ जनामा कोरोना संक्रमण पुष्टि भएको छ । यससँगै जिल्लामा सक्रिय कोरोना संक्रमितको संख्या ४ सय ५५ पुगेको छ । सक्रिय कोरोना संक्रमितमध्ये ४ सय १८ जना होम आइसोलेसनमा रहेका छन् ।

यस्तै २२ जना अस्पतालमा र आइसोलेसन सेन्टरमा १५ जना उपचाररत रहेका छन् ।

नुवाकोटमा हालसम्म ४४ जना कोरोना संक्रमितको मृत्यु भएको छ । जिल्लामा हालसम्म २५ हजार ८ सय १८ जनाको पिसिआर परिक्षण गरिएको छ ।