ईपीएल क्रिकेटको हिमालय टेलिभिजनबाट प्रत्यक्ष प्रसारण हुने

नुवाकोट । एभरेष्ट प्रिमियर लिग (ईपीएल) टी-२० क्रिकेट प्रतियोगिताको प्रत्यक्ष प्रसारण हिमालय टेलिभिजनबाट हुने भएको छ ।

आगामी असोज ९ गतेदेखि शुरु हुने ईपीएलको प्रत्यक्ष प्रसारणका लागि ईपीएलको मुख्य मार्केटिङ कम्पनी एडप्याड र हिमालय टेलिभिजनबीच शुक्रबार सम्झौता भएको हो ।

सम्झौता पत्रमा एडप्याडका तर्फबाट सुरज गिरी र हिमालय टेलिभिजनका निर्देशक श्याम कँडेलले हस्ताक्षर गरेका छन् ।