रसुवामा सक्रिय कोरोना संक्रमितको संख्या ३६ पुग्यो

रसुवा । रसुवामा सक्रिय कोरोना संक्रमितको संख्या ३६ पुगेको छ ।

शुक्रबार ३ जना संक्रमित थपिसँगै सक्रिय कोरोना संक्रमितको संख्या ३६ पुगेको हो । कोरोनाको दोस्रो लहर सुरु भएसँगै जिल्लामा पनि कोरोना संक्रमित बढेका हुन् ।

स्वास्थ्य कार्यालय रसुवाका अनुसार गोसाइँकुण्डमा ६, उत्तरगयामा ५ र कालिकामा २५ जना रहेका छन् । संक्रमितहरूमध्ये ३ जना संस्थागत ३३ जना होम आइसोलेसनमा बसेका छन् ।

रसुवामा हालसम्म १ हजार २ सय ६४ जनामा कोरोना पुष्टि भएको थियो । जसमा १ हजार २ सय २६ जना निको भएका छन् ।

जिल्लामा हालसम्म ४ हजार २ सय १८ वटा स्वाव संकलन गरिएकोमा २ हजार ९ सय ५४ नेगेटिभ र १ हजार २ सय ६४ पोजेटिभ आएको थियो ।