नुवाकोटमा कोरोना संक्रमितको संख्या ७ हजार नाघ्यो

नुवाकोट । नुवाकोटमा कोरोना सक्रमितको संख्या ७ हजार नाघेको छ ।

स्वास्थ्य कार्यालय नुवाकोटका अनुसार पछिल्लो २४ घण्टामा जिल्लामा ४६ जना कोरोना संक्रमित थपिएसँगै जिल्लामा कोरोना संक्रमितको संख्या ७ हजार नाघेको हो । कार्यालयका सुचना अधिकारी उत्तमराज खनालका अनुसार पछिल्लो २४ घण्टामा जिल्लामा ६९ जनाको पिसिआर र ३१ जनाको गरि एकसय जनाको कोरोना परिक्षण गर्दा ४६ जनामा कोरोना संक्रमण पुष्टि भएको हो ।

पछिल्लो २४ घण्टामा विदुर नगरपालिका र लिखु गाउँपालिकामा समान १६÷१६ जनामा कोरोना संक्रमण पुष्टि भएको छ भने बेलकोटगढी नगरपालिका र तारकेश्वर गाउँपालिकामा ४÷४ जना कोरोना संक्रमित थपिएका छन् ।

त्यस्तै किस्पाङ गाउँपालिकामा ३ जना कोरोना संक्रमित थपिँदा सुर्यगढी गाउँपालिका, तादी गाउँपालिका र शिवपुरी गाउँपालिकामा समान एक÷एक जना कोरोना संक्रमित थपिएका छन् ।

यससँगै जिल्लामा कोरोनाका सक्रिय संक्रमितको संख्या ५ सय ८१ पुगेको छ । सक्रिय कोरोना संक्रमितमध्ये ५ सय ३७ जना होम आइसोलेसनमा, २६ जना अस्पतालमा र १८ जना आइसोलेसन सेन्टरमा उपचाररत रहेको कार्यालयका सुचना अधिकारी खनालले जानकारी दिए ।

पछिल्लो २४ घण्टामा जिल्लाका ४० जना कोरोना संक्रमित कोरोनामुत्त भएर घर फर्किएका छन् । यससँगै जिल्लामा कोरोनामुत्त भएर घर फर्कनेको संख्या ६ हजार ४ सय १८ पुगेको छ ।

यस्तै पछिल्लो २४ घण्टामा जिल्लामा एकजना कोरोना संक्रमित मृत्यु भएको छ । यससँगै जिल्लामा कोरोना संक्रमणबाट ज्यान गुमाउनेको संख्या ४२ पुगेको छ ।

नुवाकोटमा हालसम्म २४ हजार ३७ जनाको पिसिआर परिक्षण गरिएको स्वास्थ्य कार्यालय नुवाकोटले जनाएको छ ।