नुवाकोटमा भिषण वर्षा: पहिरो गएपछि विदुरको ब्यारेक खोल्चामा सडक अवरुद्ध

नुवाकोट । नुवाकोटमा बुधवार राती भिषण वर्षा भएको छ ।

भिषण वर्षा भएसँगै विदुर र बट्टार जोड्ने मैथली व्यारेकको विदुरपट्टी खोल्चा भासिएको छ । पहिरोसँगै मालपोत कार्यालयमा केही क्षति पुगेको संचारकर्मी हरिजंग पाण्डेले बताएका छन् ।

खोल्चा भासिएसँगै यातायात पुर्ण रुपमा ठप्प भएको जिल्ला प्रहरी कार्यालय नुवाकोटले जनाएको छ । यातायात ठप्प भएसँगै रसुवागढी नाकाबाट काठमाण्डौ हिँडेका मालवाहक सवारी साधनको लाइन लागेको छ ।

अवरुद्ध सडक संचालनको लागि टोली परिचालन गरिएको प्रहरीले जनाएको छ ।