ककनीको चिसोधारामा ट्रिपर दुर्घटना, एकको मृत्यु २ घाइते

नुवाकोट÷नुवाकोटको पासङ ल्हामु राजमार्ग अन्र्तगत ककनी गाउँपालीका वडा नं १ चिसोधारा भन्ने ठाँउमा ट्रिपर दुर्घटना हुँदा एक जनाको मृत्यु भएको छ भने २ जना घाइते भएका छन ।

मृत्यु हुनेमा सहचालक गोरखा जिल्ला अजिरकोट गाउँपालीका ३ मेखराज गुरुङ रहेको नुवाकोट प्रहरी प्रमुख वसन्त कुँवले विदुर खबरलाई बताए । उनको उपचारको क्रममा मृत्यु भएको हो । ककनीबाट बालुवा लिई काठमाण्डौ तर्फ जादै गरेको बा ५ ख ४५३७ नम्बरको ट्रिपर साइट च्यापने क्रममा सडकबाट ३०० मिटर तल्ल खसेको जिल्ला प्रहरी कार्यलय नुवाकोट विदुर खबरलाई बताए ।

त्यस्तै घाइते हुनेमा ट्रिपर चालक नुवाकोटको शिवपुरी गाउँपालीका वडा नं ७ का शेषमान तामाङ, र शिवपुरी गाउँपालीका वडा नं ६ का रोशन तामाङ रहेको प्रहरी प्रमुख कुवरले विदुर खबरलाई बताए । चालक तामाङको दाहिने हात भाचिएको छ भने ट्रिपरमा सवार रोशन तामाङको टाउँकोमा चोट लागेको छ । घाईतेहरुलाई उपचारको काठमाण्डौ ग्रिन सि.टि. होस्पिटल लगिएको जिल्ला प्रहरी कार्यलय नुवाकोटले जनाएको छ ।