नुवाकोटमा आज ९९ जना कोरोनामुत्त भएर घर फर्किए

नुवाकोट । नुवाकोटमा आज ९९ जना कोरोना संक्रमित कोरोनामुत्त भएर घर फर्किएका छन् ।

स्वास्थ्य कार्यालय नुवाकोटका अनुसार पछिल्लो २४ घण्टामा जिल्लाका ९९ जना कोरोनामुत्त भएर घर फर्किएका हुन् । यससँगै नुवाकोटमा कोरोनामुत्त भएर घर फर्कनेको संख्या २ हजार ७ सय ४२ पुगेको छ ।

यस्तै जिल्लामा सक्रिय कोरोना संक्रमितको संख्या ९ सय ५१ पुगेको छ ।

त्यस्तै पछिल्लो २४ घण्टामा जिल्लामा ९१ जना कोरोना संक्रमित थपिएका छन् । यससँगै नुवाकोटमा कोरोना संक्रमितको संख्या ३ हजार ७ सय १९ पुगेको छ ।

पछिल्लो २४ घण्टामा थपिएका संक्रमितमध्ये ३२ जना तारकेश्वर गाउँपालिकाका, १४ जना ककनी गाउँपालिकाका , १२ जना दुप्चेश्वर गाउँपालिकाका र १० जना तादी गाउँपालिकाका रहेका छन् ।

यस्तै शिवप्री गाउँपालिकाका ९ जना, म्यागङ गाउँपालिकाका ९ जना, लिखु गाउँपालिकाका ४ जना, बेलकोटगढी नगरपालिका र किस्पाङ गाउँपालिकामा समान एक÷एक जना संक्रमित थपिएका छन् ।

हालसम्म नुवाकोटमा १५ हजार ६ सय २३ जनाको पिसिआर परिक्षण गरिएको स्वास्थ्य कार्यालय नुवाकोटले जनाएको छ ।