नुवाकोटमा आज थप एकसय २५ जनामा कोरोना पुष्टि

नुवाकोट । नुवाकोेटमा आज थप एकसय २५ जनामा कोरोना संक्रमण पुष्टि भएको छ ।

स्वास्थ्य कार्यालय नुवाकोटका अनुसार पछिल्लो २४ घण्टामा जिल्लाका ३ सय ७४ जनाको पिसिआर परिक्षण गर्दा एकसय २५ जनामा कोरोना संक्रमण पुष्टि भएको हो ।

कार्यालयका सुचना अधिकारी उत्तमराज खनालका अनुसार यससँगै नुवाकोटमा कोरोना संक्रमितको संख्या ३ हजार ४ सय ८२ पुगेको छ ।

यस्तै पछिल्लो २४ घण्टामा जिल्लाका ९८ जना कोरोना संक्रमित निको भएर घर फर्किएका छन् । यससँगै नुवाकोटमा कोरोनामुत्त भएर घर फर्कनेको संख्या २ हजार ४ सय ९७ पुगेको छ ।

नुवाकोटमा कोरोना संक्रमणबाट २५ जनाको मृत्यु भइसकेको स्वास्थ्य कार्यालय नुवाकोटले जानकारी दिएको छ ।