नुवाकोटमा आज थप ८० जना कोरोना संक्रमण पुष्टि

नुवाकोट । नुवाकोटमा आज थप ८० जनामा कोरोना संक्रमण पुष्टि भएको छ ।

स्वास्थ्य कार्यालय नुवाकोटका अनुसार पछिल्लो २४ घण्टामा जिल्लामा २ सय ४२ जनाको पिसिआर परिक्षण हुँदा ८० जनामा कोरोना संक्रमण पुुष्टि भएको हो ।

कार्यालयका सुचना अधिकारी उत्तमराज खनालका अनुसार आज ८० जना संक्रमित थपिएसँगै जिल्लामा कोरोना संक्रमितको संख्या ३ हजार एकसय ६१ पुगेको छ । यस्तै जिल्लामा कोरोनाको सक्रिय संक्रमितको संख्या १ हजार २ सय १७ पुगेको छ ।

सक्रिय संक्रमितमध्ये ११ सय ३० जना होम आइसोलेसनमा,४५ जना आइसोलेसन सेन्टरमार र ४२ जना अस्पतालमा उपचार गरिरहेका छन् ।

पछिल्लो २४ घण्टामा भेटिएका संक्रमितमध्ये तारकेश्व गाउँपालिकामा २६ जना, विदुर नगरपालिकामा २३, पन्चकन्या गाउँपालिकामा ९ जना, बेलकोटगढी नगरपालिकामा ८ जना रहेका छन् ।

यस्तै ककनी गाउँपालिकामा ४ जना, दुप्चेश्वर र तादी गाउँपालिकामा समान ३÷३ जना , म्यागङ र किस्पाङ गाउँपालिकमा समान २÷२ जना कोरोना संक्रमित भेटिएका हुन् ।

त्यस्तै पछिल्लो २४ घण्टामा जिल्लामा ४७ जना कोरोनजा संक्रमित कोरोनामुत्त भएर घर फर्किएका छन् । यससँगै जिल्लामा कोरोनामुत्त भएर घर फर्कनेको संख्या एकहजार ९ सय २३ पुगेको छ ।

नुवाकोटको हालसम्म कोरोना संक्रमणबाट मृत्यु हुनेको संख्या २१ पुगेको स्वास्थ्य कार्यालय नुवाकोटले जनाएको छ । हालसम्म जिल्लामा १३ हजार ९ सय ९८ जनाको पिसिआर परिक्षण गरिएको कार्यालयले जनाएको छ ।

तारकेश्वर गाउँपालिकामा २६ जना संक्रमित थपिए

यस्तै पछिल्लो २४ घण्टामा जिल्लाको तारकेश्वर गाउँपालिकामा २६ जना कोरोना संक्रमित थपिएका छन् ।

थपिएका संक्रमितमध्ये १४ पुरुष र १२ महिला रहेका छन् । यससँगै तारकेश्वर गाउँपालिकामा कोरोना संक्रमितको संख्या २ सय ७८ पुगेको छ ।

संक्रमितमध्ये एकसय ७३ जना होम आइसोलेसनमा उपचाररत रहेका कार्यालयका सुचना अधिकारी खनालले बताए । गाउँपालिकामा हालसम्म ५ सय ४८ जनाको पिसिआर परिक्षण गरिएको गाउँपालिकाले जनाएको छ ।

विदुरमा २३ संक्रमित थपिए

यस्तै पछिल्लो २४ घण्टामा जिल्लाको विदुर नगरपालिकामा २३ जना संक्रमित थपिएका छन् ।

थपिएका संक्रमितमध्ये ११ पुरुष र १२ महिला रहेका छन् । यससँगै नगरपालिकामा कोरोना संक्रमितको संख्या एकहजार ४ सय ३३ पुगेको छ ।

नगरपालिकामा हालसम्म २ सय ९६ जना होम आइसोलेसनान उपचार गरिरहेका छन् ।

हालसम्म विदुर नगरपालिकामा २ हजार ६ सय २७ जनाको पिसिआर परिक्षण गरिएको स्वास्थ्य कार्यालय नुवाकोटले जनाएको छ ।