नुवाकोटको तारकेश्वरमा कोरोनाका विरामीलाई घरघरमा पुगेर माक्स,सेनिटाइजर, र भिटामिन दिँदै रामकाजी

नुवाकोट । नुवाकोटको तारकेश्वर गाउँपालिका वडा नम्बर ४ का स्थानिय युवा रामकाजी थापाले कोरोना महामारीको समयमा पनि कोरोना संक्रमितको घरघरमा पुगेर विरामीलाई माक्स, सेनिटाईजर,भिटामिन, थर्माेमिटर र अक्सिमिटर वितरण गरेका छन् ।

उनले गाउँपालिकाका ६ वट्टै वडामा कोरोना पोजेटिभ भएकाहरुको घरमा तथा स्थानिय सरकारले निर्माण गरेको आइसोलेसनमा पुगेर औषधी र स्वास्थ्य सामाग्री वितरण गरेका हुन् । उनले आफ्नै ज्यानलाई जोखिममा पारेर स्थानिय सरकारले गर्नुपर्ने काम आफै गदै हिँडेर गाउँपालिकामा रहेका कोरोना संक्रमितहरुलाई स्वास्थ्य सामाग्री विरतण गरेका हुन् ।

उनले गाउँमा कोरोना संक्रमित घटाउन सहयोग गर्ने उदेश्यले ज्यानको बाजी थापेर गाउँगाउँमा पुगी स्वास्थ्य सामाग्री वितरण गरेको बताएका हुन् । उनले कोरोना संक्रमितका लागि डाक्टरहरुले दिने गरेको भिटानमिन बि, भिटानमिन सि, भिटानमिन डि, जिन चक्की, माक्स, अक्सिमिटर र सेनिटाइजर बोकेर घरघरमा पुगेका हुन् ।

 

उनलाई सो कार्यमा सहयोग गर्न चन्द्रप्रसाद सापकोटा,केशव थापा पनि संक्रसमतको घरघरमा पुगेका थिए । उनलाई सहयोग गर्न तारकेश्वर गाउँपालिकाले स्वास्थ्यकर्मी समेत पठाएर सहजीकरण गरिदिएको थियो ।

आफ्नै घरमा औषधी र स्वास्थ्यर्मी आएपछि संक्रमितहरु समेत खुशी भएका छन् । मानिसहरु एकले अर्काेलाई छुन र नजिक आउन डराइरहेको अवस्थामा थापाको टोली घरघरमा औषधी र स्वास्थ्यकर्मीसहित आइपुगेपछि आफुहरुको आत्मवल बढेको एक स्थानिय एक कोरोना संक्रमितले बताए ।

कोरोना संक्रमितको लागि घरघरमा स्वास्थ्यकर्मी र औषधी लैजाने काममा गाउँपालिकाले यातायातको व्यवस्था मिलाएर सहजीकरण गरेको थापाले बताए । गाउँपालिकाका अध्यक्ष रमेश वस्तीले आफु चढ्ने गरेको स्र्कपियो थापाको लागि २ दिन दिएका थिए ।

गाउँपालिकामा रहेका कोरोना संक्रमितवाहेक एकसयभन्दा बढी मानिसहरु यो कार्यक्रमबाट लाभान्वित भएको गाउँपालिकाले जनाएको छ ।

थापालाई औषधी र स्वास्थ्य सामाग्री वितरण गर्न लक्ष्मी फाउन्डेसनले सहयोग गरेको थियो । थापाले गत वर्षपनि लकडाउनको समयमा गाउँका दलित तथा असहाय व्यक्तिका लागि खाद्यान्न सहयोग गरेका थिए ।