रसुवामा सक्रिय कोरोना संक्रमितको संख्या १ सय ७० पुग्यो

रसुवा।  रसुवामा सक्रिय कोरोना संक्रमितको संख्या १ सय ७० पुगेको छ ।

सोमबार ४० जना संक्रमित थपिसँगै सक्रिय कोरोना संक्रमितको संख्या १ सय ७० पुगेको हो । कोरोनाको दोस्रो लहर सुरु भएसँगै जिल्लामा पनि कोरोना संक्रमित बढेका हुन् ।

स्वास्थ्य कार्यालय रसुवाका अनुसार गोसाइँकुण्डमा १२, कालिकामा ६६, उत्तरगयामा ५, आमाछोदिङ्‍मोमा ४९ र नौकुण्डमा ३८ जना रहेका छन् । संक्रमितहरूमध्ये ९ जना संस्थागत र १ सय ६१ जना होम आइसोलेसनमा बसेका छन् ।

रसुवामा हालसम्म ५ सय २३ जनामा कोरोना पुष्टि भएको थियो । जसमा ३ सय ८४ जना निको भएका छन् ।

जिल्लामा हालसम्म २ हजार ३ सय ७६ वटा स्वाव संकलन गरिएकोमा १ हजार ७ सय ८८ नेगेटिभ र ५ सय २३ पोजेटिभ आएको थियो ।