नुवाकोटमा आज थपिए १४ जना कोरोना संक्रमित

नुवाकोट । नुवाकोटमा आज थप १४ जना कोरोना संक्रमित थपिएका छन् ।
स्वास्थ्य कार्यालय नुवाकोटका अनुसार पछिल्लो २४ घण्टामा २४ जनाको पिसिआर परिक्षण गर्दा १४ जनामा कोरोना संक्रमण पुष्टि भएको हो । संक्रमितमध्ये ११ जना विदुर नगरपालिका र ३ जना बेलकोटगढी नगरपालिकाका रहेका छन् ।
यससँगै जिल्लामा कोरोना संक्रमितको संख्या एकहजार २ सय ५१ पुगेको छ । यस्तै सक्रिय कोरोना संक्रमितको संख्या ७९ पुगेको छ । सक्रिय संक्रमितमध्ये ७४ जना होम आइसोलेसनमा र ४ जना अस्पतालमा उपचार गरिरहेको कार्यालयका सुचना अधिकारी उत्तमराज खनालले जानकारी दिए ।
यस्तै पछिल्लो २४ घण्टामा जिल्लाका १० जना कोरोना संक्रमित निको भएर घर फर्किएका छन् । यससँगै जिल्लामा कोरोनामुत्त भएर घर फर्कनेको संख्या एकहजार एकसय ७० पुगेको छ ।
यस्तै हालसम्म जिल्लामा १० हजार एकसय ३४ जनाको पिुिसआर परिक्षण गरिएको स्वास्थ्य कार्यालय नुवाकोटले जनाएको छ । नुवाकोटमा कोरोनाको कारण अहिलेसम्म २ जनाको ज्यान गएको छ ।
- १ सरकारको स्वास्थ्य बीमाः ३५ सय तिर्दा वार्षिक १ लाखको सेवा
- २ नुवाकोटका सन्तोष उप्रेति होटल व्यवसायी महासंघको उपाध्यक्षमा निर्वाचित
- ३ सीमा नाकामा भिडन्त, एक सशस्त्र प्रहरी र आठ भारतीय व्यापारी घाइते
- ४ नुवाकोट आदर्श बहुमुखी क्याम्पसको निमित्त प्रमुखमा भोलाप्रसाद पाण्डे
- ५ चिसो बढ्यो, उच्च हिमाली भू-भागमा हल्का हिमपातको सम्भावना
प्रतिक्रिया