नुवाकोटमा मास्क नलगाए १० रूपैयाँ जरिवाना

नुवाकोट । जिल्ला प्रशासन कार्यालय नुवाकोटले कोरोना संक्रमणको जोखिम नियन्त्रणका लागि कडा नियम लागु गरेको छ ।

बुधवार वसेको जिल्ला कोभिड–१९ सङ्कट व्यवस्थापन केन्द्र (डीसीसीएमसी) को बैठकले सार्वजनिक यातायातमा क्षमता भन्दा बढी यात्रु बोक्न नपाउन नियम लागु गरेको छ ।

यस्तै यात्रुले माक्स अनिवार्य लगाउनुपर्ने नियम पनि लागु भएको छ । मास्क नलगाएको पाइएमा १० रुपैयाँ जरिवाना गर्ने निर्णय भएको प्रमुख जिल्ला अधिकारी जीवनप्रसाद दुलालले जानकारी दिए ।

त्यसैगरी गाडीलाई नियमति सेनिटाइज गर्नुपर्ने, माक्स नलगाएकालाई गाडीमा छिर्न नदिने, चालक र सहचालकले पनि अनिवार्य मास्क लगाउनुपर्ने र स्वाास्थ्य मापदण्ड अपनाउनुपर्ने निर्णय बैठकले गरेको छ ।

यसैगरी अबदेखि मास्क नलगाए सार्वजनिक यातायात चढ्न नपाइने भएको छ ।