सुर्यगढी गाउँपालिका क्वाटरफाइनलमा

नुवाकोट । सुर्यगढी गाउँपालिका नुवाकोटको सुनखानीमा जारी शिवपुरी अध्यक्ष गोल्डकप फुटबल प्रतियोगिताको क्वाटरफाइनलमा प्रवेश गरेको छ ।

शनिवार भएको तेस्रो खेलमा तारकेश्वर गाउँपालिकालाई २–० गोल अन्तरले पराजित गदै क्वाटरफाइनल प्रवेश गरेको गरेको हो ।

दोस्रो जीतसँगै ६ अंक जोडेको सुर्यगढी समूह सि को विजेता बन्दै क्वाटरफाइनलमा प्रवेश गरेको छ । सुर्यगढीका लागि खेलको ६० र ६८ औं मिनेटमा निशान श्रेष्ठले गोल गरे ।

खेलको अन्तिम समयमा तारकेश्वरले पेनाल्टीको मौका पाएको थियो । तर तारकेश्वरका गोविन्द रिमालले प्रहार गरेको पेनाल्टी सुर्यगढीका गोलकिपर विक्रम गुरुङले रोके । उनी नै खेलको म्यान अफ द म्याच भए ।