विदुर नगरपालिकाको विजयी शुरुवात

नुवाकोट । नुवाकोटको शिवपुरी गाउँपालिकामा जारी अन्तरपालिका स्तरीय शिवपुरी अध्यक्ष गोल्डकप फुटबल प्रतियोगितामा विदुर नगरपालिकाले विजयी शुरुवात गरेको छ ।

केहीवेरअघि सम्पन्न खेलमा किस्पाड गाउँपालिकालाई २ – ० गोल अन्तरले पराजित गर्दै विदुर नगरपालिकाले सानदार शुरुवात गरेको हो । शिवपुरी गाउँपालिकाको सुनखानीमा मैदानमा भएको खेलमा विदुर नगरपालिकालाई जित दिलाउन सन्तोष थापा एक्लैले दुई गोल गरेका थिए ।

उनले खेलको ३३ औ र ३५ औ मिनेटमा गोल गरेका हुन् । जितसँगै ३ अंक हात पारेको समुह डि को शिर्ष स्थानमा उक्लिएको छ । विदुर नगरपालिकाले अघिल्लो चरण प्रवेश गर्न भोलि तादी गाउँपालिकासँग प्रतिष्पर्धा गर्नेछ ।

प्रतियोगिता अन्र्तगत आज हुने दोस्रो खेलमा बेलकोटगढी नगरपालिकाले लिखु गाउँपालिकासँग प्रतिष्पर्धा गर्नेछ । यस्तै तेस्रो खेलमा ककनी गाउँपालिकाले सुर्यगढी गाउँपालिकासँग भिड्ने छ ।

१२ टोली सहभागि भएको प्रतियोगिता आगामी २५ गतेसम्म संचालन हुने छ ।