चिलिमेको नगद लाभांश बैंक खातामा

नुवाकोट । चिलिमे जलविद्युत कम्पनी लिमिटेड (CHCL) ले १० प्रतिशत नगद लाभांश शेयरधनीहरुको बैंक खातामा जम्मा गरेको छ।

कम्पनीले गत पुस १२ गते सम्पन्न २४ औँ वार्षिक साधारण सभाले पारित गरेको बोनस तथा नगद लाभांशमा लाग्ने करसहित १० प्रतिशत नगद लाभांश शेयरधनीहरुको खातामा जम्मा गरेको हो। कम्पनीले हितग्राही खातामा बैंक खाता अध्यावधिक गराएका शेयरधनीहरुको खातामा सो लाभांश पुस १६ गतेदेखि नै जम्मा गर्न थालेको हो। सोपश्चात बैंक खाता अध्यावधिक गराएका शेयरधनीहरुको नगद लाभांश पनि बैंक खातामा नै जम्मा गरिने बैंकले बताएको छ।

त्यसैले, हालसम्म भौतिक शेयर धारण गरेका शेयरधनीहरुलाई शिघ्र शेयर अभौतिकिकरण गराई बैंक खाता नम्बर सहितको विवरण अध्यावधिक गराई लाभांश प्राप्त गर्न अनुरोध गरेको छ।