समाजसेवी गीता अमात्यद्धारा विदुर नगरपालिकाको सरसफाइ कर्मचारीलाई खाद्यान्न सहयोग

विदुर खबर २०७७ कार्तिक १९ गते ९:३०

नुवाकोट । कोरोना महामारी बीच नुवाकोट उद्योग वाणिज्य संघकी वरिष्ठ उपाध्यक्ष ,नेपाली काङ्ग्रेस नुवाकोटकी नेतृ तथा समाजसेवी गीता अमात्य निम्न आर्थिक अबस्था भएको असहाय ,अशक्त अपांगका लागी सक्रिय रुपमा सहयोग गर्दै आईरहेकी छिन ।

यसैक्रममा विदुर नगरपालिका को सरसफाइको कार्य गर्ने १० जना कामदारलाई जनही ५ हजार बराबरको खाद्यान्न सहयोग गरेका छिन् ।अमात्यले बडा दसैंको अवसरमा बट्टारमा केहि दिन अघि नगरपालिकाको सरसफाइ कामगर्ने तथा फोहोरको गाडी चालक मजदुरलाई दाल चामल ,तेल,मसला ,आलु, गेडागुडी , दालमोठ ,साबुन र सानिटाईजर वितरण गरेकी छिन् ।

समाज सेवामा तल्लीन अमात्यललकडाउनको बेला झन सक्रिय भएकी छिन । लकडाउनको शुरूवात दिनमा फ्रन्टलाईनमा काम गर्ने सुरक्षाकर्मीलाई खाना र खाजा ब्यबस्था गरे संगै त्रिशुली अस्पताललाई पहिलो चोटि १० थान ब्यक्तिगत सुरक्षा उपकरण (पिपिई) उपलब्ध गराएका थिइन । त्यस पछि नुवाकोटका एम्बुलेन्स चालकहरुका लागि ब्यक्तिगत सुरक्षा उपकरण (पिपिई) उपलब्ध गराएर कोरोना बिरुद्ध अग्रमोर्चामा खटिरहिन। कोरोनाको महामारी बिच त्रिशुली अस्पतालमा खानेपानीको अभाव पूरा गर्न ब्यक्तिगत रुपमा ५० हजार सहयोग गरि खानेपानीको ब्यबस्था गरेकी थिईन।

लकडाउन लम्बिदै जादा विदुर नगरपालिका भित्रको दीन दुखी असहाय,अशक्त अपांग भएको ७० जनालाई अपाङ्ग मानव अधिकार मञ्चसंगको समन्वयमा उनिहरुको घर घर गई राहत स्वरुप खाद्यान्न सहयोग तथा कपडा सहयोग उपलब्ध गराएको थियो । गरिब ,दिन दुखी तथा असहाय अपांगका लागि सहयोग गर्दै आईरहेको अमात्यलाई नुवाकोटको स्थानीयले आभार प्रकट गरेका छन् ।