तारकेश्वर गाउँपालिकाका एक युवामा कोरोना संक्रमण पुष्टि

विदुर खबर २०७७ जेठ २९ गते १८:१३

विदुर । नुवाकोटको तारकेश्वर गाउँपालिकाका एक युवामा कोरोना संक्रमणको पुष्टि भएको छ ।

जिल्ला स्वास्थ्य कार्यालय नुवाकोटका अनुसार भारतबाट फर्केका ३४ वर्षिय एक पुरुषको पिसिआर चेकजाँच गर्दा उनमा कोरोना पोजेटिभ देखिएको हो ।तारुकाकाे पिमलटार माबि क्वारेन्टाइनमा रहेका ३४ वर्षिय पुरुषमा संक्रमण पुष्टि भएको हो ।

उनलाई अहिले त्रिशुली अस्पतालमा रहेको आइसोलेसन वार्डमा ल्याउने तयारी भइरहेको त्रिशुली अस्पतालका सुपरिटेन्डेन डा.रेमकुमार राईले जानकारी दिए । स्वास्थ्य कार्यालयका अनुसार हालसम्म नुवाकोटमा ७ जनामा कोरोनाको संक्रमण देखिसकेको छ भने एकजना निको भएर घर फर्किसकेका छन ।