स्वर्गिय नेता बोगटीको शालिक अनावरण

नुवाकोट । नेपाल कम्युनिस्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ ले आफ्ना पूर्व सहकर्मि दिवंगत नेता पोष्टबहादुर बोगटीको शालिक अनावरण गरेका छन् ।

ऊर्जा तथा जलश्रोत मन्त्री वर्षमान पुनसहित सोमबार नुवाकोटको विदुर नगरपालिका ७ तुप्चे पुगेका अध्यक्ष प्रचण्डले सोही स्थानमा निर्माण भएको दिवंगगत नेता पोष्ट बहादुर बोगटीको शालिक अनावरण गरेको हुन् । सो अवसरमा अध्यक्ष प्रचण्ड र मन्त्री पुनले श्री चण्डेश्वरी मा.वि. को अभिभावक भेला लाई सम्बोधन गरे ।

मुलुक परिवर्तनमा अग्रणी भूमिका निर्वाह गरेका स्व।नेता पोष्ट बहादुर बोगटीको उनकै जन्मथलोमा शालिक निर्माण गरिएको छ ।   १५ लाख लागतमा निर्मीत शालिक सगै चौतारा पनि निर्माण गरिएको छ । बिभिन्न संघ संस्था, बिदुर नगरपालीका, वडा कार्यलय , स्थानिय युवा क्लबहरु लगाएतको आर्थिक सहयोगमा २ महिनामा नै सो शालिक निर्माण भएको निर्माण कमिटीक अध्यक्ष कल्पना रिमालले जानकारी दिइन् ।