भाल्चे फुटबल प्रतियोगिताको उपाधि थ्रीजी युवा क्लव काउलेलाई

भाल्चे । नुवाकोटको किस्पाङ गाउँपालिका वडा नं. १ भाल्चेमा आयोजित ‘प्रथम भाल्चे फुटबल प्रतियोगिता’को उपाधि थ्रीजी युवा क्लव काउलेले उचालेको छ ।

अहिंसावादी युबा क्लबको आयोजनामा भएको प्रतियोगिताको फाइनलमा नुचेत युव क्लवलाई ६–० गोल अन्तरले हराउदै थ्रीजी युवा क्लव काउलेले उपाधि उचालेको हो । प्रतियोगिताको विजेता थ्रीजी युवा क्लव काउलेले ५५ हजार ५ सय ५५ रुपैयाँ र उपविजेता नुचेत युव क्लवले ३३ हजार ३ सय ५५ रुपैयाँ प्राप्त ग¥र्याे भने तेस्रो भएको अहिंसावादी युबा क्लव १५ हजार रुपैयाँ हात पारेको छ ।

प्रतियोगितामा उत्कष्ट भएका क्लब र खेलाडीलाई किस्पाङ गाउँपालिका वडा नं. १ का वडाअध्यक्ष आइत घले, अहिंसावादी युबा क्लबका अध्यक्ष धनवहादुर तामाङ लगायतले नगद रुपैयाँ सहित, प्रमाणपत्र, शिल्ड र मेडल प्रदान गरेका थिए । कार्यक्रममा वडाअध्यक्ष घलेले प्रतियोगिताले आपसी एकता, युवालाई खेल प्रतिको आकर्षण र मनोरञ्जन प्रदान गरेको बताए ।

यस्तै, आयोजक क्बलका अध्यक्ष धनबहादुर तामाङले आगामी वर्ष पनि प्रतियोगितालाई निरन्तरता दिने बताए । प्रतियोगितामा ३२ क्लबको सहभागिता रहेको थियो ।