ककनी गाउँपालिकाले गाईभैसी ब्याउँदा तीनहजार सुत्केरी भत्ता दिने

नुवाकोट । ककनी गाउँपालिकाले गाउँपालिका भित्रका पशुपालनमा संलग्न भएका किसानहरुलाई प्रोत्साहन गराउन गाई भैसी ब्याउदा सुत्केरी भत्ता दिने भएको छ ।

ककनी गाउँपालिकाले पालिका भित्र रहेका किसानहरुले पालेका गाई भैसी ब्याएपछि तिन हजार रुपैयाँ दिने निर्णय गरेको छ । कृषकहरुलाई पेसा प्रति जागरुक र आत्मनिर्भर बनाउनको लागी गाउँपालिकाले यस्तो निर्णय गरेको गाउँपालिका अध्यक्ष मनबहादुर लामाले बताए ।

किसानले पालेको गाई भैसी ब्याएपछि प्रति गाई भैसीलाई ३÷३ हजार दिने गाउँपालिकाले निर्णय गरिसकेकोले किसानहरुलाई गाउँपालिका सम्पर्क गर्न उनले आग्रह गरे । आगामी दिनमा कृषि पेशा र पशुपालनबाट किसानहरु आत्मनिर्भर बन्नको लागी ककनी गाउँपालिकाले अन्य सेवा र सुबिधाहरुको लागी पहल गर्ने गाउँपालिका अध्यक्ष मानबहादुर लामाले जानकारी दिए ।