नुवाकोटमा दशैको मुखमा आकाशियो तरकारीको भाउ

नुवाकोट । दसैँको मुखमा हरियो तरकारीको मूल्य दोब्बर बढीले बढेपछि उपभोक्ता मारमा परेका छन् ।

त्यस्तै गत साता प्रतिकेजी ५५ रुपैयाँ रहेको हरियो फर्सी ४५ रुपैयाँले बढेर १०० रुपैयाँ पुगेको छ । काउलीको मूल्य गत साता प्रतिकेजी १०५ रुपैयाँ थियो । यो साता १३० पुगेको छ ।यसैगरी गत साता ५५ रुपैयाँ प्रतिकेजी रहेको तिते करेला १०० रुपैयाँ पुगेको छ। भान्सामा अनिवार्यजस्तै मानिएको आलुको मूल्यमा पनि निकै बढेको छ । गत साता प्रतिकेजी ५८ रुपैयाँ रहेको आलुको मूल्य आज ७० रुपैयाँ पुगेको छ । त्यस्तै ४५ रुपैयाँ रहेको लौका ८० रुपैयाँ पुगेको छ । परवल पनि ६५ रुपैयाँबाट बढेर ८० रुपैया पुगेको छ । गत साता प्रतिकेजी ५५ रुपैया रहेको घिरौला ८० रुपयाँ र ७५ रुपैयाँ रहेको भिन्डी १०० पुगेको छ ।