राहत र उद्धारमा जुट्न सांसद तामाङको निर्देशन

नुवाकोट । नुवाकोटको तादी गाउँपालिकामा शनिवार राति परेको अविरल बर्षाका कारण वडा नं २ र ३ कोषकाढे स्थित रहेको खहरे खोलामा आएको बाढीले ठूलो क्षति पुगेको छ ।

 

क्षति पुगेको स्थानहरुमा प्रतिनिधिसभा सदस्य हितबहादुर तामाङ, प्रदेश नं ३ कि उपसभामुख राधिका तामाङ, प्रदेशसभा सांसद बद्री मैनाली लगायतको टोलीले आज स्थलगत निरीक्षण गरेका छन । निरीक्षण टोलीमा प्रमुख जिल्ला अधिकारी द्रोणराज पोखरेल, प्रहरी प्रमुख अवि काफ्ले, गाउँपालिका अध्यक्ष, प्रशासकिय अधिकृत, वडा अध्यक्ष लगायतको उपस्थिति रहेको थियो ।

 

स्थलगत निरीक्षण गर्दै संघिय सांसद तामाङले तीनै तहका सरकार मिलेर पीडितलाई राहत र बस्ती बचाउन तटबन्ध बनाउन सहयोग गर्ने प्रतिवद्धता जनाएका थिए। राति आएको बाढिले २ वटा घर पूर्णरुपमा क्षति भएको र दर्जनौ पशु चौपाय बेपत्ता भएको थियो भने सयौं रोपनी जमिन वगाएको थियो । बाढिबाट क्षति हुनेहरुमा सोही ठाउँ बस्ने श्याम बहादुर थापाको गोठ पुर्ण रुपमा बगाएको, घरमा आंशिक क्षति, सोमनाथ सापकोटाको धान कुट्ने मिल, गोठ र एउटा गाई बगाएको, हरि थापा, कृष्ण थापा, बासु थापा, शिशिर उप्रेती, शिब दाहाल, कुमार शिबभक्ति, गोबिन्दलाल पण्डित, कृष्ण प्रसाद लामिछाने, सुराम तामाङ, मछिन्द्र तामाङ, सुमन थापाको खेत बगाएको छ।