गडखारमा पानी खुवाउँदै समाजसेवी शैलेस

नुवाकोट । लिखु गाउँपालिका वडा नम्वर ४ गडखारका सर्वसाधारणलाई एउटै पिडा थियो खाने पानीको जोह गर्ने कसरी भन्ने । अव उक्त समस्याको समाधान भएको छ ।

युवा ब्यवसायी एवं समाजसेवी शैलेस श्रेष्ठले उनीहरुको समस्याको समाधान गर्नु भएको छ । लिखु गाउँपालिका कै बासिन्दा रहनु भएका युवा ब्यवसायी श्रेष्ठले उक्त क्षेत्रमा खानेपानी समस्या समाधान गर्न पानी तान्ने रकेट पम्प हस्तान्तरण गर्नु भएको छ । एक सय ४० घर रहेको उक्त गडखारमा अव पानीको लागी ठुलो समस्या रहेन । श्रेष्ठले प्रदान गर्नु भएको रकेट पम्पले पानी पालेले पानी तान्ने काम गर्छन पानी सर्वसाधारणको धारा सम्म पुग्छ । पानी तन्न पालेको लागि समेत महिनाको पाँच हजार तलवको ब्यवस्था उनै समाजसेवी श्रेष्ठले गर्नु भएको छ । पानी निःशुल्क रुपमा खडखारका बासिन्दाको घर सम्म पुञ्याउन उहाँले पानी पाले र पानी तान्ने पम्म हस्तान्तरण गर्नु भएको उहाँ बताउनुहुन्छ ।

गडखारका जनतालाई पानीको ठुलो समस्या थियो । मेरो सानो सहयोगले उहाँहरुलाई सहज हुन्छ भने मेरो यो सामाजिक दाहित्व पनि हो । सरकारको मुख ताक्नु भन्दा आफैले आफ्नो क्षेत्रमा सकेको सहयोग गर्न सके समाज आफै बन्छ हामीले कसैको मुख ताक्नै पदैन यसैले मैले सकेको सहयोग स्वरुप पानी तान्ने पम्म र पानी पाले दाई लाई मासिक पाँच हजार दिने अठोट स्वरुप उक्त सहयोग गरेको हुँ उहाँ बताउनुहुन्छ ।