विदुर नगरपालिकाले दियो ५० प्रतिशत अनुदानमा कृषकहरुलाई हाते ट्याक्टर

नुवाकोट असार १६, विदुर नगरपालिकाले नगरपालिका क्षेत्रभित्रका कृषक समुह, फर्म र सहकारीहरुलाई ५० प्रतिशत अनुदानमा हाते ट्याक्टर वितरण गरेको छ ।

आईतबार धान दिवसको अवसरमा विदुरमा एक कार्यक्रममा आयोजना गरि विदुर नगरपालिकाको कृषि शाखाले नगरक्षेत्र भित्रका कृषक समुह, फर्म र सहकारीहरुलाई २२ ओटा हाते ट्याक्टर वितरण गरेको विदुर नगरपालिकाको कृषि शाखाले जानकारी दिएको छ । किसानहरुलाई हाते ट्याक्टर वितरण गदै विदुर नगरपालिकाका प्रमुख सञ्जु पण्डितले एक कृषक एक उपकरण पुराउने विदुर नगरपालिकाको योजना अनुसार ट्याक्टर वितरण गरेको बताए । उनले आगामी दिनमा कृषकलाई प्रविधि मैत्री बनाएर व्यवसायीक उत्पादनलाई बढवा दिने बताए । प्रमुख पण्डितले हिजोको दिनमा भनसुनको आधारमा केही व्यक्तिले कृषि औजार पाउने गरेको भन्दै अवका दिनमा मापदण्डको आधारमा वितरण गरिने बताए । उनले नगरपालिकाले निति तथा कार्यक्रम मार्फत कृषकहरुको हितमा धेरै राम्रा कार्यक्रम ल्याएको भन्दै कृषकहरुले त्यसको सदुपयोग गर्नुपर्ने बताए ।

कार्यक्रममा विदुर नगरपालिकाका शिक्षा शाखा प्रमुख दिवाकर चाँपागाईले कृषकहरुलाई प्रोत्साहन गर्न र उत्साही र खाद्यान्नमा आत्म निर्भर बनाउन ५० प्रतिशत अनुदानामन हाते ट्याक्टर वितरण गरेको बताए । उनले आफ्नै खेतबारीमा काम गरेर व्यवसायीक बनाउन नगरपालिकाले ट्याक्टर वितरण गरेको उल्लेख गरे ।

यता हाते ट्याकटर पाएपछि कृषकहरुले खुशी व्यत्त गरेका छन । हाम्रो शहकारी संस्था लिमिटेडका प्रतिनिधि बद्री रिजालले गाउँमा खेती गर्न गोरु पाउन छाडेकोले नयाँ हाते ट्याक्टर पाएकोमा खुशी व्यत्त गरे । उनले नगरपालिकाले कृषकहरुलाई ५० प्रतिशतमा दिएको अनुदान अर्झै कम भएको बताए । नगरपालीकाले वितरण गरेको २२ वटा हाते ट्याक्टर विभिन्न १३ कृषिक सहकारी, कृषि समुहलाई वितरण गरेको विदुर नगरपालिकाको कृषि शाखाले जनाएको छ । यसअघि पनि गत पुस महिनामा पनि विदुर नगरपालिकाले किसानहरुलाई ५० प्रतिशत अनुदानमा २६ हाते ट्याकटर वितरण गरेको थियो ।