मेयर कप फुटवल : भरतपुरलाई हराउँदै पोखरा सेमिफाइनलमा

नुवाकोट वैशाख २१, नुवाकोटका जारी अन्तर नगरपालिका मेयर कप फुटबल प्रतियोगिता अन्तर्गत आज विहान सम्पन्न खेलमा चितवनको भरतपुर महानगरपालिकालाई १ का विरुद्ध २ गोलले पराजित गर्दै कास्कीको पोखरा महानगरपालिका सेमिफाइनलमा प्रवेश गरेको छ ।

नुवाकोट आर्दश बहुमुखी क्याम्पस बट्टारको खेल मैदानमा भएको खेलमा दुबै टिमले पहिलो हाफ बराबरी खेलेका थिए । दोस्रो हाफको निकै प्रतिष्पर्धात्मक खेलमा पोखराका लागि जर्सि १२ का विमल रानाले खेलको ४६ औ मिनेटमा शानदार गोल गर्दै टोलीलाई अग्रता दिलाएका थिए । खेलमा एक गोलल पछि परेको भरतपुरले उत्कृष्ट खेल खेल्दै ५० औ मिनेटमा सुरेश कुमालले हेडमार्फत गोल गरी एक÷एक अवस्थामा पुराए । खेलमा दुबै टोलीले पाएको अवसर गुमाउँदा निर्धारित समयमा खेल एक÷एक गोलमा सकियो र अतिरित्त समयतफै धकेलिएको थियो ।

अत्तिरित्त समयमा पोखराका विमल रानाले पेनाल्टि मार्फत गोल गर्दै टोलीलाई २÷१ गोल अग्रता दिलाएका थिए । त्यसपछि खेलमा कुनैपनि गोल हुने सकेन र पोखरा १ का विरुद्ध २ गोलले विजयी भयो । खेलमा पोखराका विमल राना म्यान अफ दी म्याच घोषित भए । उनले नगद ५हजार रुपैयाँ हात पारे । अब पोखराले फाइनल प्रवेशको लागि काठमाण्डौको बुढानिलकण्ठ नगरपालिकासँग आइतबार प्रतिष्पर्धा गर्नेछ । प्रतियोगिता अन्र्तगत आज नुवाकोटको विदुर नगरपालीका र सिन्धुपाल्चोकको मेलम्ची नगरपालिकाबीच दिउँसो ३ः ३० बजे प्रतिसपर्धा हुनेछ ।