दुवै मृर्गौला फेल भएका वेलकोटगढीका इन्द्रबहादुरद्धारा अस्पतालबाटै सहयोगको अपिल

विदुर÷ दुवै मृगौला फेल भएर विगत एक महिनादेखि काठमाण्डौको माहाराजगन्जस्थित टिचिङ्ग अस्पतालमा उपचाररत बेलकोटकगढी नगरपालिका वडा न ४ बडारेका १९ बर्षीय इन्द्रबहादुर तामाङले आर्थिक सहयोग गर्न अपिल गरेका छन ।

तामाङले उपचारको क्रममा तीन लाख रुपैयाँभन्दा बढी खर्च भइसकेको भन्दै सहयोग गरेमा आफुले नयाँ जीवन पाउने आशा व्यक्त गरे । तामाङले आफ्नो आर्थिक स्थिति कमजोर भएकोले उपचारमा समस्या परेको बताए । चिकित्सकहरुले मिर्गौल प्रत्यारोपण गर्नु पर्ने बताए पनि कमजोर आर्थिक अवस्थाको कारण प्रत्यारोपण गर्न नसकेको इन्द्रबहादुरका वुवा रेशम तामाङले बताए ।

“एक महिनादेखि उपचार गराउँदा तीन लाखभन्दा बढी रुपैयाँभन्दा बढी रकम खर्च भयो, प्रत्यारोपण गर्न चिकित्सकहरुले १५ लाख रुपैयाँभन्दा बढी लाग्ने बताएका छन । त्यती धेरै रकम कसरी जोहो गर्ने समस्या परिरहेको छ”, इन्द्रवहादुरका दाजु सुमन तामाङले भने । आर्थिक स्थिति कमजोर भएकोले सबैको सहयोगमा भाइलाई नयाँ जीवन दिलाउन सकिन्छ कि भन्ने आशा भने पलाएको उनले बताए । दुबै मृगौला फेल भएका इन्द्रवहादुरलाई आर्थिक सहयोग गर्नको लागि उनका वुवा र दाजुलाई ९८१०२८१५९४ र ९८६४५९८६२९ मा फोन गर्न सकिने तथा हिमालयन बैकमा रहेको ००२०८१२९४९००१२ खाता नंम्बरमा पैसा जम्मा गर्न सकिने विरामीका भिनाजु सन्दीप मोक्तानले बताए ।