नुवाकोटमा साढे ४ हजार परिक्षार्थीले एसईई परिक्षा दिने

नुवाकोट,  आगामी साताबाट शुरु हुने एसईई परिक्षामा नुवाकोटबाट करिव साढे ४ हजार सय विद्यार्थी सहभागी हुने भएका छन ।

शिक्षा विकास तथा समन्वय एकाइ नुवाकोटका अनुसार परिक्षामा नियमिततर्फ ४ हजार २ सय र ग्रेड वृद्धिका लागि एकसय ३२ जना विद्यार्थी सहभागी हुँदै छन । परिक्षाको लागि नुवाकोटमा २४ ओटा परिक्षा केन्द्र तोकिएको शिक्षा विकास तथा समन्वय एकाइ नुवाकोटले जनाएको छ । तोकिएको केन्द्रमध्ये २१ ओटा सामुदायिक र ३ ओटा निजि विद्यालय रहेको बताइएको छ ।

एसर्ईईको लागि सबैभन्दा बढी त्रिभुवन त्रिशुली माध्यामिक विद्यालय त्रिशुली केन्द्रमा ३ सय ८ जना र कम बागेश्वरी माध्यामिक विद्यालय केन्द्रमा ९३ जना परिक्षार्थीले परिक्षा दिने कार्यलयले जनाएको छ । केन्द्र परेका विद्यालयलाई नै केन्द्राध्यक्षको जिम्मेवारी दिइएको शिक्षा विकास तथा समन्वय एकाई नुवाकोटले जनाएको छ ।