त्रिशूली अटो प्रालीबाट ट्राफिक प्रहरीलाई हेलमेट प्रदान

नुवाकोट- यामाहा कम्पनीको नुवाकोट र रसुवाको आधिकारिक विक्रेता त्रिशूली अटो प्राली, बट्टारले जिल्ला ट्राफिक प्रहरी कार्यालय नुवाकोटलाई बुधबार ६ थान हेलमेट प्रदान गरेको छ । प्रालीको कार्यालय बट्टारमा आयोजित एक कार्यक्रमको बीच प्रालिका सञ्चालक मधुसुदन थपलिया र प्रालीका प्रबन्ध निर्देशक बिवेक थापाले ट्राफिक व्यवस्था सहजताको लागी उक्त हेलमेट उपलब्ध गराउनुभएको हो । जिल्ला ट्राफिक प्रहरी इञ्चार्ज प्रहरी नायव निरीक्षक शम्भुबहादुर अधिकारीलाई हेलमेट प्रदान गर्दै सञ्चालक थपलियाले यात्रुको सुरक्षाको लागी अहोरात्र खटिने ट्राफिक प्रहरी आफूपनि सुरक्षित भएर सेवा प्रदान गर्नुपर्ने हुदाँ त्यसको लागी सहयोग पुगोस भनेर ती समाग्रि प्रदान गरिएको बताउनुभयो ।

यस्तै, प्रालीका प्रबन्धक निर्देशक थापाले यामाहाको उत्पादन तथा सामाग्रि विक्री र मर्मतको लागी मात्र नभई आफूहरु मानवीय सेवा र सामाजिक कार्यमा समेत क्रियाशिल भएकाले त्यस स्वरुप ट्राफिक प्रहरीसंगको सहकार्य र उनीहरुलाई सहयोग स्वरुप हेलमेट उपलब्ध गराइएको बताउनुभयो । उहाँले आगामी दिनमा पनि प्रालीको तर्फबाट सामाजिक उत्तरदायित्वको क्षेत्रमा निरन्तर क्रियाशिल हुने प्रतिबद्धता जनाउनुभयो । नुवाकोट र रसुवाको लागी यामाहाको आधिकारिक विक्रेताको रुपमा दश महिना अघि मात्र स्थापन भएको त्रिशूली अटो प्रालीले छोटो समयमा नै यहाँको बजारमा निकै लोकप्रियता हासिल गरेको छ ।

यामाहाको उत्पादनको रुपमा रहेको मोटरसाइकल र स्कुटर काठमाडौको मुल्यमा नै प्रालीले यहाँ उपलब्ध गराएकाले खरिद गर्ने ग्राहकको सङ्ख्या उल्लेख्य बढेको हो । हाल यामाहाको उत्पादनमा रहेका मोटरसाइलक र स्कुटर जिल्लामा रहेको स्थानीयतह, सामाजिक संघसँस्था र व्यक्तिगत खरिदको लागी निकै माग बढेको छ । विभिन्न अफर र मर्मत तथा पाटपुर्जाको सामाग्रि समेत सहज रुपमा यही पाइने भएकाले अन्य कम्पनीका उत्पादनको तुलनामा नुवाकोट र रसुवाका पारखीहरुको लागी यामाहाको उत्पादनको मोटरसाइकल र स्कुटरको माग निकै बढेको त्रिशूली अटो प्रालीले जनाएको छ