हाम्रो समाचारको प्रभाव,गेर्खु जाने बसको भाडा घट्यो

नुवाकोट,गेर्खु जाने वसले भाडा घटाउन बाध्य भएको हो ।

जिल्ला प्रहरी कार्यलयमा वडा नं १० का वडा अध्यक्ष गणेशकुमार नेपाल, ११ वडाअध्यक्ष तोयानाथ तिमिल्सीना सहित वसका धनी र पासाङल्हामु यातायातका पदाधिकारीसहित बसेको बैठकले भाडा घटाउने विषयमा सहमति गरेको छ । सहमति अनुसार साविकको गाविससम्म ५० रुपैयाँ भाडा तोकिएको छ ।

अब सो बसबाट अन्तिम विन्दुमा एकसय रुपैयामा पुग्न सकिने भएको छ । अहिले भाडा घटेको नौटंकी गरेपनि बसले लिएको भाडा अझै अन्य स्थानको तुलनामाभन्दा २० प्रतिशतबढी रहेको स्थानियबासीहरुले बताएका छन । भाडा केही रुपैयाँ घटेपनि बसको सिन्डीकेट हट्नुपर्नै र अन्य बससमेत चल्नदिनुपर्ने माग स्थानियबासीले माग गरेका छन । यसअघि गेर्खु–चोगते मोटरबाटो अन्तरगत गुड्ने बा १ ख ६३४९ नम्बरको जिर्ण पुरानो बसले मनलाग्दी भाडा असुलेको भन्दै स्थानियबासीले प्रहरी प्रशासनमा गुनासो गर्दा समेत सुनुवाई नभएको भन्दै स्थानिबासीले विदुरखबरलाई समाचार बनाइदिन अनुरोध गरेका थिए ।

जिर्ण रहेको बसले दैनिक क्षमताभन्दा बढी यात्रु ओर्सादा समेत सिमुटारमा रहेको प्रहरी समेत मौन देखिएका छन । दैनिक दुई पटक ओहोरदोहर गर्ने सो बसलाई प्हरीले समेत वास्ता नगर्नु चिन्ताको विषय रहेको सरोकारवालाहरु बताउँछन । बसले यात्रुसँगै दैनिक निर्माण समाग्री सिमेन्ट जस्ता लगायत सामान समेत ओसार्ने गरेको छ । केही वर्षअघिदेखि काठमाण्डौबाट सिधै गेर्खुमा बस आउने गरेकोमा सो बस चल्न थालेपछि उक्त बस बन्द गरिएको थियो । सो बसका संचालकका लाई पासाङल्हामु यातायातका सदस्य रहेको र अन्य बस आएमा चल्न नदिने अवरोध गरेको कालिका विद्यालयका एक शिक्षकले बताए ।