विदुर ५ मा २१ जना क्षयरोगका शंकास्पद बिरामी भेटिए

विदुर खबर २०८१ चैत ७ गते ८:३०

filter: 0; jpegRotation: 0; fileterIntensity: 0.000000; filterMask: 0; module:1facing:0; hw-remosaic: 0; touch: (-1.0, -1.0); modeInfo: ; sceneMode: NightHDR; cct_value: 0; AI_Scene: (-1, -1); aec_lux: 71.0; hist255: 0.0; hist252~255: 0.0; hist0~15: 0.0;

नुवाकोट । विदुर नगरपालिकामा दुईदिने क्षयरोग खोजपड्ताल शिविर सुरु भएको छ ।।

देवीघाट जेष्ठ नागरिक केन्द्रमा सञ्चालन गरिएको शिविरमा क्षयरोगका २१ शंकास्पद बिरामी फेला परेका हुन् ।

शिविरमा २१ जना क्षयरोग शंकास्पद बिरामीको खकार नमूना थप परीक्षणको लागि त्रिशूली अस्पतालमा पठाइएको नगरपालिकाका क्षयरोग स्वास्थ्य संयोजक गरिमा जोशीले जानकारी बताइन ।

राष्ट्रिय क्षयरोग केन्द्र भक्तपुर र त्रिशूली अस्पतालका चिकित्सक तथा स्वास्थ्य प्रविधिकहरुले खोजपड्ताल शुरु गरेका हुन् ।

विशेषज्ञ चिकित्सकहरूको टोलीले एआई प्रविधिमा आधारित डिजिटल पोर्टेबल आधुनिक उपकरणबाट छातिको एक्स–रे विधिबाट १६५ जनाको स्वास्थ्य परीक्षण गरेको थियो ।

विदुर नगरपालिकामा ४३ जना क्षयरोगका सक्रिय बिरामी रहेको बताइएको छ । लाज र डरले रोग लुकाएर बस्न नहुने र सबै स्वास्थ्य संस्थाबाट निःशुल्क औषधि नियमित सेवन गरेमा समयमै रोग निको हुने भएकाले नडराउन, नआत्तिनु, र रोग नलुकाउन चिकित्सकले आग्रह गरेका छन् ।

अभियान अन्र्तगत आज शहरी स्वास्थ्य केन्द्र विदुर १० गेर्खुटारमा हुने छ ।

क्षयरोगको औषधि सबै स्वास्थ्य संस्थाबाट निःशुल्क पाइने छ ।