नुवाकोटको सिडिओमा घिमिरे

नुवाकोट । नुवाकोटको प्रमुख जिल्ला अधिकारीमा गृह मन्त्रालयले शशिधर घिमिरेलाई पठाएको छ ।

यहाँका सिडिओ रामकृष्ण अधिकारीलाई शुक्रबार गृह मन्त्रालयमा सरुवा गरिएपछि रिक्त पदमा पुख्र्यौली घर गुल्मी रहेका घिमिरेलाई मन्त्रालयबाट सरुवा गरिएको हो ।

नुवाकोट, ककनी गाउँपालिका, थानसिंह पुख्यौली घर भएका अधिकारी गत वर्ष माघ १५ गते नुवाकोटको सिडिओमा सरुवा भई १३ महिना सात दिन सफलतापूर्वक जिम्मेवारी पूरा गरेर सोमबार बिदा भएका छन् ।

मन्त्रीस्तरको निर्णयअनुसार नुवाकोटसहित ६ जिल्लाका सिडिओ परिवर्तन गरिएको थियो । नुवाकोटका सिडिओमा सरुवा भई आएका घिमिरे सोमबार नै जिम्मेवारी सम्हाल्न जिल्ला आइसकेका जिल्ला प्रशासन कार्यालयले जनाएको छ ।

घिमिरेको नुवाकोट प्रजिअको जिम्मेवारी चौथो हो । यसअघि उनले स्याङ्जा, बारा र अर्घाखाँचीको सिडिओको जिम्मेवारी सफलतापूर्वक पूरा गरिसकेका छन् ।