प्याब्सन विदुरको अध्यक्षमा रामराजा कुमाल

नुवाकोट । निजी तथा आवासीय विद्यालय अर्गनाइजेशन नेपाल ( प्याब्सन) विदुर नगर कार्यसमितिको अध्यक्षमा रामराजा कुमाल चयन भएका छन् ।

शनिवार भएको प्याब्सन विदुर नगर कार्यसमितिको तेस्रो अधिवेशनले कुमालको नेतृत्वमा कार्यसमिति चयन गरेको हो ।  यस्तै कार्य समितिको सचिवमा हिराजीत सुनार र कोषाध्यक्षमा राजीव अधिकारी चयन भएका छन् ।

अध्यक्षमा निर्वाचित भएका कुमाल विदुर ५ मा रहेको गुडविल एकेडेमीका प्रध्यानाअध्यापक हुन् ।

कार्यक्रममा प्याब्सनका केन्द्रिय सदस्य नारायण भण्डारी, जिल्ला अध्यक्ष तारावहादुर कार्की, बाग्मति प्रदेशका संस्थापक अध्यक्ष रामहरि रिमाल, पुर्व केन्द्रिय सदस्य विजय श्रेष्ठ लगायतको उपस्थिति रहेको थियो ।