ककनी–२ को मत परिणाम आजै आइसक्ने

नुवाकोट । ककनी गाउँपालिका–२ को वडाअध्यक्ष पदको नतिजा आजै आउने भएको छ ।

काउलेथाना निर्वाचन कार्यालयमा मतपेटिका ल्याइएको र केहीबेरमा सर्वदलीय बैठक राखेर मतगणना सुरु हुने मुख्य निर्वाचन कार्यालयका सहायक निर्वाचन अधिकृत सुनिल आचार्यले जानकारी दिए ।

आजै अन्तिम मतपरिणाम सार्वजनिक भइसक्ने पनि उनले बताए । यहाँ ७० दशमलव शुन्य ६८ प्रतिशतले मतदान गरेका छन् । रिक्त वडाध्यक्षपदको मतदानमा २ हजार २२५ जनाले मतदान गरेका छन् ।

यस वडामा कुल मतदाता संख्या ३ हजार १७३ जना मतदाता थिए। जसमध्ये १ हजार ३० मतदातामध्ये ७ सय ४ जनाले मतदान गरेका छन् ।

यसैगरी, अर्को मतदानस्थल ओखरपौवाको शिवालय माविमा २ हजार ६१ जना मतदाता रहेकोमा १ हजार ५२१ जनाले मतदान गरेका छन् ।

वडामा वडाअध्यक्ष पदका लागि ११ जना उम्मेदवार चुनावी प्रतिष्पर्धामा छन् ।