इन्धनको मूल्य बढ्यो

नुवाकोट । नेपाल आयल निगमले इन्धनको मूल्य बढाएको छ ।

निगम सञ्चालक समितिको शनिबार बसेको बैठकले इन्डियन आयल कर्पोरेशनबाट प्राप्त नयाँ खरिद मूल्यअनुसार नेपालमा पनि पेट्रोलको मूल्य लिटरमा १ रुपैयाँ बढाउने निर्णय गरेको छ ।

यस्तै हवाई इन्धन आन्तरिकतर्फ लिटरमा २ र अन्तर्राष्ट्रियतर्फ काठमाडौंका लागि प्रतिकिलोलिटर अमेरिकी डलर १५ का दरले बढाइएको छ ।हवाई इन्धन पोखरा र भैरहवाका लागि लागत मूल्यमै बिक्री गर्ने निगमले शनिबार साँझ जारी विज्ञप्तिमा उल्लेख छ ।

खाना पकाउने ग्यासको मूल्य बढेर आए पनि साविकको मूल्य नै कायम राखिएको निगमले जनाएको छ । नयाँ मूल्य शनिबार राति १२ बजेदेखि लागू हुनेछ ।